مشادة كلامية بين وزير الصحة وهشام المشيشي
قال الناشط السياسي والمحامي عبد العزيز المزوغي اليوم الأحد أن المشيشي في قطيعة مع وزير الصحة.
إقرأ أيضا : المشيشي : سنوقف هذا السرك
ياسادة يا مادة خلي نحكيلكم شنو إلي صار البارح بالتفصيل…الخمسة متاع العشية وزير الصحة يجتمع بخلية الأزمة لضمان التزود بالأكسيجين بعد تسجيل نقص في مادة الأكسجين خلال الأيام الأخيرة كان حاضر مع الوزير ممثلي الزوز شركات إلى تنتج في الأكسجين في تونس الإجتماع دام ساعتين و القرار الأول هو التعجيل بتزويد المستشفيات الكبرى في المنستير و سوسة و ولايات أخرى و قام الجيش بعملية التزويد التي تمت تقريبا في حدود الساعة التاسعة ليلا… كما تم ضبط روزنامة الكميات التي ستصل تونس من الدول الصديقة و إلي تبدأ موجودة منذ الليلة لتوزيعها على المستشفيات ذات الطلب الحاد… إلى حد الآن المسألة عادية الوزير يخدم في خدمتو و الجيش معاه قام بما طلب منه و الأمور عال العال…
إقرأ أيضا : كميات كبيرة من الأكسجين ستصل تونس الساعات القادمة
مع العلم أنو في إطار التحضير لإجتماع خلية الأزمة و منذ منتصف نهار يوم أمس و وزارة الخارجية باتصال مع أغلب سفرائنا بالخارج للبحث عن كميات مستعجلة من الأكسيجان سواءا في شكل هبة أو بمقابل…
هذا الكل قاعد يصير و السيد رئيس الحكومة في الخلاعة فاقوشي بيه أولاد الحلال بعد الستوري المحنون متاع شقشوق و تحركشي المجتمع المدني و بدأ الضرب و الدنيا خاضت و زيد في الخوضة وزارة الصحة تهبط البيان متاع إجتماع خلية الأزمة….
السيد رئيس الحكومة يهبط يجري و يستدعي خلية الأزمة و يعمل الإجتماع التمثيلية قبل نص الليل بشوية مع العلم حتى الفيديو الفضيحة هبط نص الليل بالضبط مع العلم أنو صارت مشادة كلامية بينو و بين وزير الصحة الي سمع ميكره على مرأي و مسمع الجميع…
إقرأ أيضا : اليوم : وصول دفعة هامة من لقاحات كورونا
هذا يؤكد مرة أخرى أن رئيس الحكومة غير متابع لما يحدث في علاقة بالكورونا و الوضع الصحي في البلاد و الأكيد حتى المواضيع الأخرى و كذلك أنو في قطيعة مع وزير الصحة فلا وجود لأي تواصل معاه مع العلم أنو أقالو و لكن الوزير الجديد مباشرش و المدة الأخيرة مخرجلو عبد اللطيف المكي مالقجر يهدد فيه بيه…
لكن الوزير متحمل مسؤوليته و يخدم على روحو و يلقي في الحلول بما توفر له من إمكانيات بدعم من المؤسسة العسكرية الي تقوم بدور جبار لإنقاذ المنظومة الصحية من الإنهيار…
القرارات الي جات ليوم العشية في بيان رئاسة الحكومة هي قرارات خلية الأزمة متاع البارح العشية وقت هو يتخلع…
و لاكن ركب على الحدث للحفاظ على ماء الوجه بعد فضيحة البارح…
اللهم إني بلغت…
#قوسكم_سيغلق_قريبا
