مايا القصوري تهاجم هذا الاعلامي :” لا يزّي تكذب … لا يزي تسخايلنا جبورة ..”

 في تدوينة لها  كتبت الاستاذة مايا القصوري ما يلي :” الحاصيلو ما نطولش عليكم تفرجت في فيديو متاع Gad El Maleh يحكي فيها على مناقلو الغالين الي تسرقو و فرحان كيفاش قعدتلو كان المنقالة الرخيصة الي هداهالو ولدو و قالك عمك Gad هذاكة الفرق مابين الvaleur و الprix ، عاد انا هكاكة شايخة على حكاية Gad و مناقلو و تعرضني ستاتو يحكي فيه الوافي على مناقلو الغالين الي تسرقو و فرحان كيفاش قعدتلو كان المنقالة الرخيصة الي هداهالو بوه الله يرحمو و قالك عمك الوافي هذاكة الفرق مابين القيمة و السعر..

حد ياخذني على قد عقلي و يفسرلي فقط شنوة الغاية انسان في عمرك و (كاريارك) و طولك و طلطولك تستهبل في عقول الناس و تنسب لنفسك حكايات ماهمش حكاياتك و زيد يستعمل فيهم بوه الله يرحمو كشخصية رئيسية و ينسبلو ما ليس له هذا الكل على شوية جامات ؟؟؟

احنا جبورة معناها ؟؟ ماهيش باش تعرضنا الفيديو؟؟ و ما نعرفوهش Gad و ماناش باش نفيقو بيك و سوف نصفق انبهارا لساعاتك الثمينة الي ما فماش منهم و للعبرة الي خرجتلنا بها و زيد تقريلنا فيها

لمن يهمه الامر فيديو Gad في اول كومونتار