للنساء فقط : أم توصي ابنتها بهذه الحكم

أم_توصي في بنتها :

ما تحطي ماكلتك باردة… وما تسلمي على ناس ونتي قاعدة… وما تحكيش للناس واش رافدة

وبكري في حياتك… مايدخل عليك ضيف ويلقاك راقدة… وبلاك من المرأة الهدارة لي تدي وتجيب بالخسارة… و ردي بالك من المرأة المغيارة… لي تحسد وتشربلك المرارة… وبلاك تدخلي الكوزينة بلا فولارة… ما طيحلك شعرة ما تجري فيها ماتضحكي عليك الناس مايشدولك فيها

البصلة يابنتي عمرها لا تولي تفاحة… ورخيس القلب ما تبان فيه ملاحة…

وناس هذا زمان ماتليق معاهم غير لقباحة … إذا فاتوك بالزين فوتيهم بالنظافة… وإذا فاتوك بالفهامة فوتيهم بالظرافة… السوق ليه المال… والدقيق ليه الغربال… والصحبة ليها الرجال… ويا سعدو اللي يحمد ربي مهما كان الحال