غياب طويل عن التلفزة / الممثلة فاتحة المهدوي :”نستنى في العسل ….”
عدّت الممثلة فاتحة المهدي من نجمات الدراما التونسية سابقا … و كانت حاضرة في اكثر من عمل تلفزي كبير لاق استحسان الجمهور العريض ابرزه على الاطلاق مسلسل العاصفة .
و اكتفت فانحة المهدوي بالاعمال المسرحية الجهوية خاصة من خلال تنشيط العمل الثقافي في جهتها ولاية القيروان .
و تعد فاتحة المهداوي التي طلّقت الاعمال التلفزية و لم يعدّ لها حضور بعد مواسم من النجاحات من ابرز الكفاءات التمثيلية في تونس …
فاتحة المهدوي عرفت برفضها الغاء مهرجان قرطاج السينمائية و كتبت في هذا السياق :
” سامحوني بربي يقص على إلغاءكم بالعسل سؤال وخوذوني على قد عقلي الثقافة موش أداة للمقاومة
موش بالثقافة سوى كان مسرح سينما أدب رسم…نقاومو الإقصاء ونرسخو الهوية وندافعو على القيم الإنسانية؟!
موش المقاومة الشعبية في حاجة الى فنون مقاومة؟
مالا علاش الثقافة السينما والمسرح خاصة البهيم القصير ؟! علاش إلغاء دورة أيام قرطاج السينمائية؟!
ماو تعرفو تاريخ تأسيسها وكيفاش كانت؟
أيام قرطاج السينمائية والمسرحية هي مقاومة ونضال
ماكانتش فيها ريق الروب والزرابي الحمراء كنتو تنجمو تخليو الدورة وترجعوها كيما كانت قبل دون عرض الأزياء وال After واليخت والباتوات
مادام وقع إلغاء الدورة معناها الوزارة تعتبر أن السينما والفنون عامة ترفيه وتفرهيد الغلطة الي غلطها المشيشي قبل وصار عليها احتجاج الفنانين قدام وزارة الثقافة ومدينة الثقافة
وهذا خطير جداااا
تمنيت تصير الدورة بدون مظاهراحتفالية تافهة وهي عادة جديدة ما كانتش قبل
وتمنيت تنشر اعلام تونس وفلسطين وتصير ندوات على “الثقافة والمقاومة” و “الثقافة مقاومة”
لكن وا حسرتاه نحن نعيش فترة “مقاومة الثقافة “مقاومة الفن والفنان”
صبري على روحي…. ونداوي جروحي
ولشكون تكحلي وستني العسل
سامحوني على الإزعاج
فلسطين لك ولي الله
وحسبنا الله ونعم الوكيل”
