طبيب يكشف عن قرار خطير من وزارة الصحة للأطباء لم يعلن
كشف الطبيب زكرياء بوقيرة عما اعتبره قرارا خطيرا من وزارة الصحة للأطباء والممرضين لكنه لم يكشف للعلن .
وكتب بوقيرة : تحبو تعرفو آخر طلعة متع وزارة الصحة؟ هايا شدو عندكم.
مفكرينا الكبار ومسؤولينا النوابغ قالك بش يجبرو الطبة والممرضين يخدمو وهما تحليلهم ايجابي.
اهوكا وقتها الي يدخل للسبيطار لاباس عليه على مصرانة زايدة والى السكر طالعلو يروح معاه ليه هو وعايلتو بالكورونا.
توة هذما طبة؟
توة هذما مسؤولين؟ علاش محكوم علينا انهم الي يقررو مصيرنا كان البهيم وخوه. حاشا البهيم الي هو حيوان لطيف وذكي للغاية.
على شنوة ناوين هالمسؤولين؟
شنوة ناوية هالدولة؟
مازال فما ما نتحاورو معاهم؟
بش يفهمونا زعمة؟ على الشعب التونسي ان يستفيق في القريب العاجل والا فانه مستقبل اسود ينتظرنا. إن كان هناك مستقبل.
اثبت جميع مسؤولي الدولة التونسية انهم خارجين عن التاريخ وانهم غير جديرين بادارة هذه المرحلة.
اصبحو اليوم خطرا داهما على جميع التونسيين.
وعلى الشعب والمجتمع المدني بالتحرك الفوري لايقاف المجزرة….
ب.س: قرار تنحية الكراسي من المقاهي تراجعو عليه.
#حجر_صحي_شامل J-10
