برهان بسيس : «ياخي مكتوب علينا كان عرك رابطة الهواة متع رياضة وشغل»؟

كتب : برهان بسيس

بحق السماء ما انجموش في البلاد هاذي نعملو عركة قوية في السياسة بالنصوص والردود وما يسالش نهبطو ريش وحد لا يفلت حد…. لكن على شرط اختيار فريق العركة….. ياخي ما انجموش نعملو عركة فيها سالم الأبيض مالقوميين يرد عليه محسن السوداني مالاسلاميين… عركة فيها محسن مرزوق ماالليبراليين والصادق شعبان عن الدساترة وعياض الودرني مالتجمعيين يتخابطو مع العجمي الوريمي ولطفي زيتون من نهضة الغنوشي وضد عبد الحميد الجلاصي مالنهضة لخرة ويدخل فيها محمد الكيلاني مؤسس قديم متع حزب العمال يرد عليهم من غادي أنور القوصري المنسحب من نفس الحزب، يعلق عليها جهاد الحاج سالم مالشبيبة الجديدة ويعطي فيها رأي نجيب الشابي ويعلق عليها هشام جعيط والا فتحي المسكيني بعد ما دخلها رضا لينين ورد عليه الأمين البوعزيزي وحز بيناتهم الحبيب بوعجيلة وعبد الحق الزموري ومهدي المبروك وما يسالش الي يشدو قلبو ويحس بوجيعة يستشير فيها ذاكر لاهيذب طبيب التيار الديمقراطي…..
ياخي أم السياسة في هالبلاد ما نجموش نعملو فيها عركة بالناس هاذم…….
ياخي مكتوب علينا كان عرك رابطة الهواة متع رياضة وشغل؟؟