الفنّانة الاستعراضية نجلاء التونسية :” شجعت حتى على لبس الحجاب.. تنجم تلبس حجاب ولا جلباب وتطلع مزيانة”

قالت الفنانة الاستعراضية نجلاء التونسية :” “فرحانة اني مشيت للعمرة… احساس ما نجمش نوصفو.. في بيت ربي تنسى عايلتك تنسى أولادك تنسى الدنيا الكل تحس روحك قدام ربي الي في قلبك الكل تقولو .. احساس ياسر قوي ان شاء الله ما يتحرمش منو حتى مومن.. أول ما دخلت للحرم بساقي ليمين و كبرت لحمي قشعر… كي وصلت مسيت الكعبة دموعي هبطت وحدها.. لحظة خشوع في الكعبة تدعي و تستغفر و تطلب ربي.. كي وقفت قدام قبر الرسول صلى الله عليه وسلم لحمي قشعر و حسيت بالرهبة.. الحمد لله ربي كرمني و سهللي اعتمرت في نص شعبان و كانت عمرتي متميزة VIP و ما حسيتش روحي تعبت..الفريق الي معايا صورني مش انا شادة التلفون و نصور.. العباد تضحك شنية عمرة VIP .. في مخاخهم انتي كبرت مرضت عملت برشا ذنوب لازمك تمشي تعتمر و تروح.. و كان ما متش تقلهم مازلت كيف عملت عمرة ادفنوني.. العريبة مخاخهم هكا.. راهي العمرة ساعتين بركا و مبعد تنجم تشوف البلاد و تحوس.. برشا ناس بعثولي شرهتنا على العمرة… انا شجعت حتى على لبس الحجاب.. تنجم تكون طفلة صغيرة تلبس حجاب ولا جلباب وتطلع مزيانة.. انا على الأقل ساهمت في حاجة باهية الحمد لله يا ربي”