برهان بسيس :” سفير امريكا كتب تقرير عن الافريقي لبعثو لبايدن ..”
تعليقا على دخلة جمهور النادي الافريقي ضد فريق دريم الغاني و التي انتصر فيها بهدفين دون ردّ .
كتب الاعلامي برهان بسيس ما يلي :
موش على خاطرها الافريقي ….أما دخلة اليوم متع شباب النادي الافريقي حاجة فيها برشة فن وابداع متع عباد تتفرج سينما وتقرا شعر وتشوف مسرح وتفهم كيفاش تبعث رسائل بش توصل للآخر موش بش نقعدو نحكيو لرواحنا ونسبّو ونتغبّنو فقط ….
و اضاف برهان بسيس
كيما نعرف خدمة السفارات ،غدوة التقرير الي يلزم يكتبو سفير أمريكا والا بريطانيا والا فرنسا لبلادو انو في ستاد رادس جمهور جمعية كبيرة اسمها الافريقي وصف الرؤساء متاعنا انهم قتلة أطفال….
ديما نقولولكم راهي موش حكاية كورة فقط …راهي الافريقي اكبر من هكة بكثييييييير…
