ياسين العياري للفخفاخ: تنحي في فلوس التوانسة باش تعطيهم لمؤسسات تخلص في «كرونيكورات» 15 و20 مليون!

هاجم النائب ياسين العياري رئيس الحكومة على خلفية ما اتخذه من قرارات لدعم الاذاعات والتلفزات الخاصة وتوجه له بالخطاب قائلا:

انك تنحي من فلوس التوانسة، من ضرائبهم، تقص للطبة و الأمنيين والبريديين وأعوان النظافة، باش تعطي لشكون؟
لمؤسسات تخلص في كرونيكورات 15 و20 مليون…
لمؤسسات، ضرائبها موش واضحة..

لمؤسسات تخدم في عباد تحت الحيط بلا حقوق..
لمؤسسات، جماعتها، طالما كانت ضد “الدعم للزوالي”، أما الدعم ليهم ميسالش
لمؤسسات، بعيدة على الحرفية والمهنية، كان الترذيل و الإشاعات
لمؤسسات تبث سمومها وتقبض أيام الإنتخابات، قيد على مؤسسات خاصة وعندنا خط تحريري.. إي كي مؤسسات خاصة، ماو لاباس تاخذ من “المال العام”؟
تمنيت الإجراءات تهم المؤسسات المصادرة…
تمنيت الإجراءات تربط بخلاص الضرائب وتسوية وضعية كل الصحافيين والتقنيين وضمان حقوقهم…
تمنيت الإجراءات والمساعدات تعطى مباشرة للصحافيين و التقنيين والعملة…