قتلها بوحشية هي و امها و خالها …لهذا السبب
![](https://aljoraanews.net/wp-content/uploads/424916341_1752211628604988_1840693870941075566_n.jpg)
روى الشاب عزيز الدراجي ما يلي :
وقت إلي تمشي مواطنة تونسية تشكي لدولة تقول راو انا حليت عيني من نوم نلقى راجلي إلي بيناتنا قضية في الطلاق دخل بالسرقة لدار و حط سكينة على رقبتي و يقلي كان نطلقوا يا صابرين راني نقتلك ,
تجاوبها الدولة : الله غالب مدام معندكش أثار عنف مادي و شهادة طبية منجموش نعملو حتى شي نجمو كان نخليوه يصحح على إلتزام باش معادش يتعرضلك .
تهز روحك و تروح و تعيش في رعب حتى يصدر نهار الخميس حكم الطلاق , نهار الجمعة المجرم نفذ ما وعد به و قتلها بطريقة وحشية هي و امها و خالها , نهار السبت بعد ما كسرنا باب الدار و دخلنا لقينا الجثث الثلاثة في بركة دم الدولة تحركت و في ساعات ألقت القبض على القاتل لأنه لم يحترم اكا الورقة إلي إسمها إلتزام إلي صحح علاها كي حطلها سكينة على رقبتها و هددها زيد المرة هذي لقينا أثار العنف نجموا نطلعوا بها شهادة وفاة .
الله يرحمك صابرين و يرحم طاطا سعاد و يرحم عم بوبكر
.
![🤲](https://static.xx.fbcdn.net/images/emoji.php/v9/t70/1/16/1f932.png)
![🤲](https://static.xx.fbcdn.net/images/emoji.php/v9/t70/1/16/1f932.png)