الممثلة نادية بوستة … ” مانيش حبلة “

“مانيش حبلة” ..

الكلمة اللي شدتني في فيلم” الهربة” بطولة الممثلة ” Nadia Boussetta – نادية بوسته ” في شخصية نرجس ، مع المسرحي ” Ghazi Zaghbani ” في دور “لزرڨ” كيف ما إختارت تسمّيه البطلة .

طيلة الفيلم نحاول نفهم الفلسفة المطروحة من وجود رجل “متدين” مع بائعة جنس فرد بيت بعيد على البعد الجسدي للقطة اللي نراوها ..

“نرجس” ، موش حبلة بالمعنى الحرفي و الفكري للكلمة اللي يخلي عالمين مختلفين يتوحدوا أو يمتزجوا في “bébé” , “nouveau-née” على المجتمع اللي إعتاد يلم الأفكار و يفرّقها بطريقتوا رفضا منه إنها تتحط على نفس الطاولة بش تتعاش و تتناقش .

و إصرار “لزرڨ” على الفصل بينهم بحيث ما نجموا نراو كان أقطاب تتعارك في بعضها مع تحديد الجهة و تجريدها من كل ما هو مربك أو “tabou” اللي تنجم تنتجوا حالة التمازج ..

“الحب” ممكن ، أما الولادة مستحيلة و البايت بش نبقاو نسمعوه و نراووه طول ما أحنا مغمضين عينينا على الطرف المقابل إن كان تيار أو إنسان ..