معز بن غربية: «خواتنا الكناطرية..اليوم مستحقينلكم أكثر من أي وقت ما تخليوهاش بينا»

ودعا معز بن غربية، في تدوينة نقدية على صفحته بموقع التواصل الاجتماعي فايسبوك، ممتهني التجارة الموازية إلى القيام بدورهم وتوفير مليوني جرعة لقاح و2000 جهاز تنفس اصطناعي، و500 سرير إنعاش.

وفيما يلي تدوينة بن غربية:

”إنتم الي عمركم لاخليتوها بينا، في العيد الكبير  تجيبولنا
العلالش من الجزائر باش الزوالي يعيّد كيما الناس الكل؛ وقت العرس تجيبولنا التلفزة والفريجيدار والكليماتيزور وجهاز العروسة؛ تاقفو حتى مع الّي لاباس عليهم وتوصّلولهم الشكلاطة السويسرية والجبن الفرنساوي !
يا اللي عمركم ما قصرتو في حقنا، كي الدولة تغلّي علينا الدخان، تتغششو وتجيبوهولنا ارخص بـ3 مرات.
انتوما الي حتى المازوط توفروهولنا بنصف سومو وبجودة عالية. انتوما الي حتى دول شقيقة  عاونتوها، بعتولها الماء والمقرونة والزيت والدواء وحتى الجعة الوطنية الممتازة !
اليوم مستحقينلكم أكثر من أي وقت،
حاجتنا بزوز ملاين جرعة تلقيح، من المستحسن  يكون pfizer،
و 2000 جهاز تنفس اصطناعي، و500 سرير إنعاش.
خواتنا الكناطرية، ما تخليوهاش بينا كيما عملو هوما يرحم والديكم. الشدّة فيكم وفي ربّي”.