مختص في القانون الرياضي: الجريء طبق القانون على هلال الشابة
اكد المحامي المختص في القانون الرياضي أنيس بن ميم بأن رئيس الجامعة طبق القانون على جمعية هلال الشابة لم يسلط عليها ظلما وفق قوله.
وقال بن ميم :
– هلال الشابة تجاوز الآجال القانونية دون إستكمال ملف الإنخراط و في الحالة هاذي القانون واضح و هو شطب الفريق
– الجامعة ما عندهاش الحق تبدّل القرار و في صورة خضوعها للظغوطات و التراجع عن قرارها فهذا يعتبر خرق واضح و صريح للقانون , و وقتها تولي فوضى و أي فريق يتجاوز القانون كيما يحب و يقلك ما تعاقبنيش
– في صورة إعادة فريق هلال الشابة بقرار من الجامعة فأنو أي فريق يلعب ضدهم ينجم يقوم بإحتراز و يربح بكل سهولة لأنك تلعب ضد فريق لم ينخرط في الآجال القانونية
– الحل القانوني الوحيد الممكن لهلال الشابة هو الطعن لدى المحاكم الرياضية لكن موقفهم القانوني ضعيف برشا .. و في الحالات الكل الإجراء هذا ينجم يستغرق أشهر طويلة و مستحيل يخلطو على إنطلاق البطولة.
