مايا القصوري :” فما قوانين بهيمة برشا خلاّت عايدة (50سنة) الي نجحت الباك يفسدولها حلمها”
كتبت الاستاذة و الكرونيكوز باذاعة شمس مايا القصوري تدوينة تمضمونها يتمحور حول المواطنة عايدة الرياحي ذات ال50 سنة فما مواطنة عائدة الرياحي عمرها 50 من ولاية سليانة.. عمناول رجعت تقرأ بعد انقطاع 29 سنة وعدات الباك مع ولدها ونجحوا الزوز.. في التوجيه حطّوها في المعهد العالي للفنون الجميلة بنابل.. ظروف العايلة على قدها.. هي وولدها طلبوا السكن في المبيت الجامعي.. ولكن للأسف البلاد هذي فيها برشا قوانين بهيمة.. طلبها ترفض لأن تجاوزت السن الأقصى المسموح بيه للتمتع بالسكن (26 سنة).. راسلت المبيت وديوان الخدمات الجامعية وكانت ديما الاجابة “الله غالب مادام ممنوع بالقانون”.. مادام عائدة ما عندها حتى حل بش تكمّل حلمتها كان السكن في المبيت خاطر ماديا لا تقدر على مصاريف الكراء.. حلمتها انها تكمّل قرايتها وتعمل ماستار وعلاش لا دكتورا كيما قالت هي اليوم في شمس اف ام بش تاقف خاطر فما قوانين بهيمة برشا.. يا أخي ماو الهدف منو القانون ان الطالبة تتمتع على اقصى تقدير ب3 سنوات بالمبيت بش تخلي البلاصة مبعد لغيرها.. علاه عاملين السن حاجز آخر.. علاه في الدولة هذي اللي يكبر القوانين تزيد تصعّب عليه تحقيق أحلامه.. نشالله صوتها يوصل ويعملوا استثناء او يغيروا القانون او ع الاقل ناس تعاونها ويتكفّلوا بمصاريف الكراء..
