مايا القصوري :”الي باش تعملو أنس جابر…أهم من كأس افريقيا 2004 و أهم من الترشح لكأس العالم”
كتبت الاستاذة و الاعلامية مايا القصوري تدوينة على صفحة الفايسبوك اكدت فيها :” الي باش تعملو أنس جابر في ويمبلدون عند الفوز باللقب باش يكون أهم حدث رياضي في تاريخ تونس خاطر بكل بساطة بطولة يتابع فيها زبدة العالم باش تفوز بيها تونسية و باش تكون أقوى ضربة للتعريف بذلك البلد الصغير في شمال إفريقيا الي عدد سكانو ما يفوتش 12 مليون و خرج بطلة قومية و عالمية فازت في أشهر و أعرق مسابقة لرياضة التنس في حين دول أخرى سكانها عشرات الملايين و بعضهم بمئات الملايين و صرفو مئات ملايين الدولارات باش يخرجو بطلة في التنس و ما نجموش و مازالو يصرفو..فوز أنس جابر بويمبلدون أهم من كأس افريقيا 2004 و أهم من الترشح لكأس العالم و الخروج من الدور الأول و نمشي معاك الى ما أبعد من ذلك إنجاز أنس جابر في صورة فوزها بويمبلدون أهم من ميدالية ذهبية أولمبية يفوز بها رياضي تونسي وسط عشرات الفائزين من العالم …كي تهز أنس جابر ويمبلدون أخرجو احتفلو كيما تحتفلو بكرة القدم و أكثر فنحن بصدد تحقيق أهم انجاز رياضي في تاريخ تونس و يا ربي لا تحرمنا و لا تخيبنا
