كيلو الكرموس ب 25دينار.. علاش فاش قام
![](https://aljoraanews.net/wp-content/uploads/451972265_525718449785974_1301486050312581775_n-e1721565874656.jpg)
كتب سمير الوافي :
في طفولتي ما نتذكرش شرينا الكرموس م السوق…عمرها ما صارت…الكرموس في سبرنا ناكلوه بلاش من خيرات الشجرة اللي عندنا والا عند جارنا واللي هي شجرة مباركة تكاد تكون مقدسة…كرموس ما يوفاش قد ما ناكلو منو…اللي يطيب ناكلوه ونعطيو منو للجيران ويعطيونا من خيراتهم…لين يطيب غيرو…كرموس بيولوجي طبيعي بنين وصحي…قبل ما يجي عصر الكيمياوي ونكتشفو كلمة بيولوجي…كانت البركة وكان الخير…!!!
اليوم الكرموس خالط على القاروص…الكلغ ب 25 دينار…علاش فاش قام !؟؟…في بلاد الكرموس والزيتون والدقلة وشريط ساحلي طولو مئات الكيلومترات…فاش قام أغلى ما فيها زيت الزيتون والحوت والدقلة والكرموس !!؟؟