قصيدة بالعامية: بلعنا الموج بلعان؟
شي ينطق بقلم شاعر البلد المربي رابح المجبري
نستنتو في سكر باجه
جانا من عند الجيران
لا شوي لحم ولا دجاجه
ولا سردينه للقليان
قعدنا في البطحاء فراجه
لا بيعان ولا شريان
وزيت الحاكم قالو جاكم
لكن ضايع في العنوان
وحتى الميه تبطى شويه
صبر روحك يا عطشان
وسي الحليب حلف يغيب
قالك يلا في لامان
مادام البقرات تباعو
ما عاد ينفعنا الحشان
وزيد الروز حلف يزوز
لا تخبى ولا حب يبان
والبشكوطو فرض شروطو
قالك حتى آنا جوعان
جيبو السكر والفارينه
باش يرجع يلعب مطمان
والكياف صبح يخاف
ما ينجم باكو مليان
صاير في تونس لحنينه
شي يدوخ يا وخيان
مسكينه الخضرا مسكينه
عظمها تحت الجلد ييان
يا المركب وين ماش بينا
بلعتنا الموجه بلعان
