قصة غريبة لعروس من نابل : “رماها زوجها ليلة الدخلة في المصحة و من الغد اعلمها انه ينوي طلاقها
هي قصة غريبة جمعت بين الوجيعة و الالم و التداخل في الحياة الخاصة للزوجين و ضحيتها فتاة من مدينة بوعرقوب ولاية نابل هذه تفاصيلها :”
هذه طفلة من مدينة #بوعرقوب كيف كل بنية حضرت لعرسها وعملت الحمام والحنة وكتبان الصداق ونهارت الكسوة جاو اهل العريس صارت مشكلة صغيرة بين العائلات على العشاء اللي هيا ام العريس مزروبة تحب تعشي اهلها قبل العباد اللي جاية للفرح وهذا الكل العروسة في الحجامة تغششوا هزوا رواحهم وروحوا ومن غدوة عملولوا حنة مصارتش وامو تشطح وتزغرط كأنه مصار شيئ
جات نهارت العرس والعريس يكلم في مرتو قلها امشي للحجامة وبعثلها الفلوس كأنه مصار شيئ مشات للحجامة مكيجت ولبست روبتها وروحت لدارهم على اساس تستنا في راجلها باش يجي يروح بيها ياخي جاء هوا واموا وقفوا بعاد على الدار قريب3 كلم وبعثلها 10 رجال باش يجيبوها ياخي بوها وخوها قالولها متخرج كان مع راجلك
راجلها محبش يدخل للدار باش يهز مرتو ياخي هزت روحها ومشاتلو وقتلو علاش تبعثي في الرجال غريبة تهزني وفي الطريق من قوة الصدمة داخت هزوها للمصحة رماها في الكلينيك وهز روحوا وروح وسكر علاها تليفونو ومن غدوة كلمها قالها راهوا امي قالت العروسة معملتش معانا الخايب لكن تتحمل غلطة دارهم وراو خيروني بينك وبين امي وانا اخترت امي…
اليوم وداد حالتها تاعبة في الكلينيك في جرت شبه راجل
