عبد السلام السعيداني :” توا جدّ عليكم جرّاية مدرّب ….كان يراني الترجي من غدوة حتى انا نولي مدرب “

كان هذا يولي مدرب الترجي ( جمعيتهم و هوما آحرار ) اما انا من غدوة نعدي الكاف ” أ” و نقصد ربي نريني على روحي و مبعد ثمنية سنين تلحيس تحت بيبان الرؤساء ان شاء الله نولي مدرب ” باريس آن جيرمان “

توة سلكها بخدمة محمد الكوكي في باجة قلنا ميسالش و حشاها مع الليبية قلنا عادي اما باش يعديها على التوانسة توة جد عليكم هاكة مدرب ،

مانيش قطاع ارزاق اما هذا كان يكلمنا انا و فاضل بن حمزة و برشة رؤساء بالعشرات المرات بصحة رقعة يحب يريني حتى بلاش عادة كنا نعملوه تكركيرة و كيف سإلت عليه قالولي هذا لحس المعين هاكة العام حطوا معاه في حمام الانف مساعد خارج المستطيل الاخضر ( باش يهزو و يجيبوا و يهزلوا الصاك و يمشي يقضيلوا باكوا دخان ) إذا بيه ولا يلعبلوا عالبلاصة ياخي طمزاو هاو اليوم ولا يحكي بلغة معين خويا اما يحصلي الشرف نريني الترجي ،

يعني قطعوا من الواد يضربك بالحجر

أقسم بالله هذا يريني الترجي ندعيلوا بالخير خاطر برشة اصحابي مكشخين اما من غدوة نصبح نقرى مدرب و آستغفر الله العظيم من كل ذنب عظيم