طبيبة تونسية تروي مأساة و تكشف فاجعة خطيرة
طبيبة تونسية من قسم الانعاش بمستشفى البشير حمزة للاطفال بتونس العاصمة تكتب:
اليوم نلقاهم الزوز قدام بيت ابنهم من 7 متاع الصباح ، عينيهم تغرغر بالدموع
مشيتلهم
-دكتورة بربي اش نحوالو؟
-تاعب برشا للأسف
-باهي شنوة عندو ؟ قالولنا يمكن داء الكلب
-اي لحقيقة هذا هو المرض الي نشكّو فيه برشا، نستناو في التحاليل الدقيقة من Pasteur
-لا لا ما تقليش داء الكلب ؟ فيه دواء كان يطلع هو ؟
-لا ما فيهش للأسف
-شنوة يصير كان يطلع داء الكلب ؟
‘ما فيهش دواء
-ولدي فرد كعبة ، شفت محلاه ، شفت عينيه ؟
-شفت ما شاء الله مزيان ،ان شاء الله يطلع حاجة اخرى فيروس اخر حاجة آخرى اما يمكن برشا داء الكلب
-ولدي ما قدموش كلب، اما فم برشا كلاب صحيح وين يلعب هو
-ينجم يكون كلب لحسو في جرح مش لازم يكون يقدمو
-بكاء بكاء و ولع و وجيعة كبيرة عند الوالدين
و يطلع فعلا التحليل ايجابي : داء الكلب ! في 2024 !
