“ضربة” موجعة يوجهها لهم الرئيس قيس سعيد

نشر المدون حافظ بن نصر:

هيا سيدي نفهمكم في الموضوع: في بالكم الناس الكل إلي عندنا أموال منهوبة في البنوك السويسرية بآلاف المليارات ناهبينها الطرابلسية و رجال اعمال و و و… باهي منذ 2011 إلى الآن كل الحكومات التونسية طفت الضو عليهم و ما حبوا يعملوا حتى مجهود باش يسترجعوهم… يقول القائل علاش؟؟ علاش المعبد الأزرق (إلي عامل روحو حزب ثوري و ضد الطرابلسية) و الجماعة إلي حكموا معاه بعد نكبة 2011 علاش ما عملوا حتى مجهود باش يسترجعوا اموال الشعب؟؟؟

هيا يا سيدي طلعت الحكاية كالآتي: نهار 21 اوت 2021  هو آخر أجل للدولة التونسية للمطالبة بإسترجاع الأموال المنهوبة في سويسرا… يعني بداية من 21 اوت2021 آلاف المليارات المنهوبة و المجمدة في سويسرا باش تتحل و يرجعوا الطرابلسية و السراق يتصرفوا فيهم كيما يحبوا و يرجعوا رسميا على ملكهم… و بالتالي سايي الدولة التونسية معاش عندها الحق نهائيا في إسترجاع تلك الأموال إلي هي فلوس الشعب… شنوا عاملين الجماعة إلي حكمونا بعد نكبة 2011 ؟؟

الجماعة طلعوا متفاهمين مع الطرابلسية و السراق إلي نهبوا الفلوس على قسمة آلاف المليارات الموجودة في سويسرا بعد إنتهاء الآجال… معناها ببساطة المعبد الازرق و الجماعة الي حكمونا ما يطالبوش سويسرا بإسترجاع تلك الأموال و في المقابل كي تفوت الآجال و يرجعوا الطرابلسية و السراق ينجموا يتصرفوا في الفلوس يقسموا الكعكة مع بعضهم و بوس خوك و روّح…

الرئيس قيس سعيّد و الفريق إلي يخدم معاه حلّوا الملف متاع الأموال المنهوبة في سويسرا فأكتشفوا الحقيقة الصادمة… كل الأطراف التي حكمت بعد 2011 متواطئة مع مافيات الطرابلسية لإقتسام تلك الأموال بعد نهاية الآجال…

فسارع الرئيس قيس سعيد منذ أيام ببعث لجنة تابعة الرئاسة مهمتها ملف املاك الدولة و الأموال المنهوبة…

و الخبر الجميل الآخر اليوم: الرئيس قيس سعيد يتصل هاتفيا برئيسة سويسرا و يعلمها ان الدولة التونسية تطالب بإسترجاع الأموال المنهوبة الموجودة في البنوك السويسرية… فأعلمته رئيسة سويسرا ان بلادها قامت بكل ما يلزم و راسلت كل الحكومات بعد 2011 لإعلامها بما يجب ان تفعله لإسترجاع الأموال و بالأجل النهائي و هو 21 اوت 2021 و لكن كل الحكومات لم تفعل شيئا… و أبدت رئيسة سويسرا إستغرابها من ذلك و عبرت للرئيس قيس سعيد عن إستعداد سويسرا الكامل لإرجاع كل الأموال المنهوبة…

و أتفق الرئيسان على إكمال كافة الإجراءات القانونية لتتسلم تونس بذلك كل اموال الشعب المنهوبة الموجودة في سويسرا قبل نهاية الآجل القانوني 21 اوت 2021 …

عاشت تونس حرة مستقلة أبد الدهر 🇹🇳🇹🇳

الرئيس وعد بإرجاع الأموال فأوفى بوعده … ❤

و لا عاش في تونس من خانها 🇹🇳

 

مقالات ذات صلة

زر الذهاب إلى الأعلى
error: Content is protected !!