سامي الجلولي للأطباء: العمل في المناطق الداخلية بتونس المهمشة أولى من السفر الى فلسطين

وجه الباحث ومدير مركز جينيف للسياسة العربية سامي الجلولي رسالة الى الاطباء الذين طالبوا بفتح الحدود ليسافروا الى فلسطين لعلاج جرحى القصف الاسرائيلي .

قال فيها بان عملهم في المناطق الداخلية اولى من السفر الى فلسطين .

وتابع حاسي فريد والزانة وببوش وجريسين اولى من فلسطين الان ووصف ما يروجونه بالنفاق السياسي.

وجاء في تدوينة سامي الجلولي:

لأطباء الشبان اللي مستعدين يمشيو لفلسطين.

فلسطين فيها ما يكفي من الأطباء والمهرة كذلك ونتفكر وأنا صغير كان طبيب العائلة في تونس طبيب فلسطيني… وإذا استحق الإخوة الفلسطينيين أطباء فلا أعتقد أن تونس ومختلف دول العالم ستبخل عليها…

انتوما غير امشيو اخدموا في المناطق الداخلية التونسية؟

انتوما غير امشيو اخدموا في قرى وأرياف مثل برج الخضراء وإلا بني مهيرة من ولاية تطاوين وإلا حاسي الفريد من ولاية القصرين وإلا “قلوب الثيران” من ولاية جندوبة…

أنتم رافضين العمل في مستوصفات ومستشفيات تونس الداخلية وتحبّوا تمشيوا 4000 كم ؟

انتوما رافضين العمل خارج المدن الساحلية والعاصمة ؟

انتوما من أول نهار تتخرجوا فيه أول حاجة تفكروا فيها السفر لفرنسا لاجتياز امتحان PACES قبل الاشتغال وإذا نجحتوا وهذا منتظر تشتغلوا براتب أقل من راتب الطبيب الفرنسي وزيد أغلبكم يتوجه إلى مناطق يرفض الأطباء الفرنسيون الاشتغال فيها… مانيش باش نحكي على ما تتعرضون له من عنصرية من زملاءكم الفرنسيين… اللي نعرف اللي انتوما أكثر كفاءة منهم…

تونس بلد صغير جدا والدولة اللي صرفت عليكم المليارات من أموال دافعي الضرائب اللي آنا واحد منهم جا الوقت لرد الجميل ليها والوقوف معها في المحن التي تمر بها.

وقت تحب تعطي المثال أعطيه في بلادك قبل كل شيء.

الشعارات السياسية والنفاق السياسي موش شوري…

حاسي الفريد وعين الزانة وببوش والربابنة والجرسين والبليدات وآلاف من القرى التونسية النائية أولى بيكم…

سامي،

 

مقالات ذات صلة

زر الذهاب إلى الأعلى
error: Content is protected !!