راية وحدة.. لون واحد: رادس ‘«أحمر وأصفر»

كما دعت إلى تشجيع الفريق دون هوادة من بداية المقابلة إلى نهايتها. وقد انتشر الطلب انتشر على اغلب الصفحات الترجية الناشطة على فايسبوك تحت عنوان “رادس أحمر وأصفر” ..

اليكم نص البلاغ :

“طلب رسمي لجماهير الترجي

نهار الجمعة الجاية جمعيتنا تلعب مقابلة مهمّة، مقابلة مصيريّة في رابطة أبطال إفريقيا. إتّحدت الصفحات على كلمة وحدة إلّي نحبّوا ملعب رادس بكلّو أحمر وأصفر، نعاود ونقول 50 ألف محبّ لابس أحمر وأصفر ولذا نطالب رسميا جميع أحبائنا ب:

1- نحبّوا كلّ مشجّع يلبس مريول أحمر و أصفر حتى كانو مريول قديم،  لا أكحل لا أبيض و لا أزرق و لا رمادي و لا شي، كان الأحمر و الأصفر.

2- كلّ محبّ يجيب درابو أحمر وأصفر

3- نحبّوا زادة كلّ محبّ يجيب كاشكول أحمر و أصفر

نحبّو رادس يتزيّن بزوز ألوان : الأحمر و الأصفر.

هذا المطلوب و يلزم المنافس يفهم شنوّا يستنّى فيه، تشجيع بدون هوادة للترجي والملعب الكلّ أحمر و أصفر.
حتّى إلّي عندو مريول قديم مايسالش المهمّ يكون أحمر و أصفر و درابو أحمر و أصفر و كاشكول أحمر و أصفر و موش بشرطه يكونوا كيما الي في التصاور. ما نحبّوا حتى لون آخر كان الأحمر و الأصفر يبارك فيكم الناس الكلّ بش يكون رادس جدار أحمر و أصفر .

#رادس_أحمر_و_أصفر
#الجدار_الأحمر_و_الأصفر
#مريولك_و_كاشكولك_ودرابوك_أحمر_و_أصفر
#راية_وحدة_لون_واحد””