مايا القصوري “:عندنا رجال أعمال أخر كتاب قراوه الطفل الذكي..”
كتبت الاستاذة مايا القصوري : عبد الحميد بوشناق كي عمل كان يا ماكانش … أول حلقة تعدات برشة ضحكو عليه وبرشة إنتقدوه وبعد الإنتقادات هذيكا بدات تختفي في الحلقة الثالثة وإلا الرابعة .. ولكن أنا نعتبرو خذا ريسك كبير .. كبير برشة .. لأنو الكتيبة متاع النوع هذاكا من الأعمال صعيب .. اليوم المصريين عملو الي نعتبرو النسخة المصرية متاع كان يا ماكنش ..(ما قلتش مقلد) قلت نعتبرو النسخة المصرية .. لأنو فيه الكوميديا والتنبير الي مغلفة بالإطار التاريخي كيما كان ي ماكانش … “جت سليمة ” بطولة دنيا سمير غانم … مسلسل من أروع ما تتفرج .. لكن بميزاينة يمكن عشرة أو مائة ضعف كان يا ماكنش … وممثلين على درجة كبيرة من الكفاءة (فرق بين ممثل يمثل في فيلم وزوز مسلسلات ومسرحية) والممثل التونسي الي لا سلكها يعمل مسلسل في العام.. وهذا الي يعمل الفرق … الكوستيم حاجة أكثر من رائعة … الكتيبة والقصة من غير ما نحكي .. والكوميديا ياسر خفيفة..جت سليمة .. نجمو نعتبروه ما طمح إليه عبد الحميد بوشناق .. لكن التمويل ديما يخون الطموحات ..في تونس ثمة برشة أفكار وبرشة ناس مبدعين .. أما كلها تنتحر على أسوار التمويل
في مصر عندهم السبكي وسعدي وجوهر .. يمولو في الدارما والسينما .. في تونس رجال أعمال أخر كتاب قراوه الطفل الذكي
