الممثلة عائشة عطية :”مدّ سلاحو … و تجيك فيك الطلقة ..”

كتبت الممثلة  التونسية  المستقرة في مصر عائشة عطية  ما يلي :

” ما تخليش حد اغمضلك عينيك بش يوصفلك بوجهة النظر بتاعو هو “الحقيقة”… إخبي حقائق، و إزيف حاجات صاروا بينك و بين روحك متأكد منهم . يغمضلك عينيك و مخك بش تطلع انت الخايب و هو الضحية …
و ديما فما سبب، انت هو السبب لردة فعل تكون مؤلمة و أليمة .
ما تحاولش تفهم شنوا صار… النتيجة شنوه ؟
في عز الحرب، مد سلاحو عليك و لأ . و بعد ما تجي فيك الطلقة و قريب تموت … يخلق مببرات خاتر شايف الي قدامو انتهى بش يموت و يمشي و يقلك انت لزيتني، “سامحني” أما انت كنت السبب. ( جملة معروفة في العالم؛ من اكثر الجمل الي يستعملوها بش يقضيو على الفريسة بتاعهم )
مافما حتى شيء ابرر “السلاح”، العنف …
عالم كامل قعدين نحاربو ضد العنف … ضد بلد صغير مهزوز و ناس قاعدة تموت … و العنف عند الأعداء الي بيدهم مساندة كبيرة برشا،،، و لو كان حد فيهم اتمس تصبح كارثة، و موش ردة فعل! لأ! لازم نعاقبهم خاتر مسوا المهاجم الي هما يحتميوا من وجودهم، بس لازم اكونوا شجعان و يدافعوا على نفسهم حتى لو كان آخر يوم في العمر . طبعاً اسيبوا الأطفال و غيرهم في دمهم عادي، مشهد تعودنا عليه، كيما الراجل كيضرب مرا عادي، أما إذا فلسطين تحدات و عملت ردة فعل فتقوم القيامة و تولي إ.س.ر هي الضحية. بالظبط كأي علاقة بين اثنين في علاقة توكسك. و لازم تعرفو انو العنف هو أكثر حاجة ضعيفة يمسكها الشخص .”