المعتمرة مريم الدباغ :” le seul personne الي ينجبي يحاسبني هو ربي”

في ردها على الساخرين من عمرتها  قالت مريم الدباغ

: “نقطة نظام بربي… هاك الناس الي يبعثولي في مساجات يسبو فيا و قال شنوا كيفاش وحدة كيفك تمشي للعمرة و احنا مازلنا ما مشيناش… شتحبني نعمللكم و شنيه مشكلتي.. الحاصيلو مخيب قلوبكم.. العمرة راهي بكتبة ربي و انا ربي كتبلي العمرة و عملت عمرتين ملي جيت.. انتي كيفاه تحب ربي يكتبلك العمرة و انتي تسب في العباد و تبعثلهم في المساجات الخايبة و مدخل روحك في حياتهم.. انتي هكا بش تدخل للجنة معناها؟؟؟ كان كل واحد يستكفى بروحو و يسيب العباد تو الدنيا تولي بخير…تعلمو حبو الخير لغيركم تو ربي يحلها في وجوهكم و ما تستناوش مني باش نتقلب فرد قلبة انا قاعدة نصلح من روحي بالشوية بالشوية… مانيش انسانة متدينة و مش من غدوه باش تلقاو مريم أخرى بين ليلة و نهار… اما هاني قاعدة نصلح بالشوية و ربي يهدي الناس الكل… انا ندعي للناس الكل ربي يكتبلهم عمرة و يعطيهم على قد قلوبهم “