العلوي : شكون سمع زعماء التيار والشعب انتقد سلوك المقيم العام الفرنسي على استقباله للوزراء والشخصيّات الحزبيّة والنقابية؟
كتب عبد اللطيف العلوي تدوينة على صفحته على الفايسبوك جاء فيها ما يلي :
عندي سؤال محبّسلي مخّي من البارح، نسمع في زميلي هيكل المكّي في إحدى القنوات ينتقد في الغنّوشي على أساس قلّك آش دخّلوا يتقابل مع وزراء ومنظمات وشخصيّات حزبيّة ونقابية ومهلّبيّة!
باهي خوذوني على قدّ عقلي، عندي سؤال غبي:
فمّاش منكم شكون سمع نهار أي زعيم من زعماء التيار والشعب، غلط مرّة و انتقد سلوك المقيم العام الفرنسي على استقباله للوزراء والمنظمات والشخصيّات الحزبيّة والنقابية والمهلّبيّة، وعلى تبرطيعه في كل الجهات ومراكز السيادة التونسية!!!
هوما ماهم قاعدين يقولوا علينا باراشوك النهضة رغم اللي اختلفنا معاها في كل الخيارات السياسية الكبرى منذ الانتخابات إلى اليوم، لا دخلنا معاهم حكومة، ولا عطينا معاهم تفويض، وهارببن بيهم سنوات ضوئية في علاقتنا بالنقابات ومسألة السيادة ومقاومة الفساد!
أعطونا تو الصحيح: شكون #باراشوك_فرانسا؟
