العثور على صاحب المؤسسة التربوية بوعبدلي …

نشرت صفحة citoyens de la Marsa صورة لشخص قالت  انه وجدته تائها  في الكرم لا يعرف طريق العودة مما دفع احد  المواطنات الى حمله الى المركز الامني القريب   لاعادته الى اهله .

في الاثناء تبين ان هذا السيدّ  هو واحد من قامات الشخصيات  التونسية وه و البوصيري بوعبدلي  صاحب المؤسسة التربوية الشهيرة بوعبدلي ..

في هذا السياق  علّق الامني وليد زروق ما يلي :

السيّد في الصورة مانيش قاعد نشهّر بيه خاطر صفحة citoyens de la Marsa من أكبر الصفحات و أكثرها متابعة و موش قاعدة ليّا أنا بش نشهّر بيه…
سي البوصيري هو صاحب مؤسسات بوعبدلي التربوية وهي من أكبر المؤسسات و أميزها و تجمع مدارس و اعداديات و معاهد و جامعات…
السيد هذا مهندس و جامعي و سياسي و كان معارض ضمن حركة الديموقراطيين الاشتراكيين خلال حكم بورڨيبة و تعرّض للهرسلة من قبل بن علي و ليلى الطرابلسي بالذات عند انشاء المدرسة الاعدادية و معهد لوي باستور بمحمد الخامس و اللي كانت تنافس مدرسة ليلى المدرسة الدولية بقرطاج و الحادثة وقتها عملت بوليميك كبير محليا و دوليا و كتبو عليها في الصحف الأجنبية من بينها جريدة لوموند…
بعد المقدمة هاذي المقتضبة في شخص مناضل و جامعي كبير، حبيت نقول نعلبوها الدنيا واكهو، عرك و خصام و مشاكل pour rien…
الحياة حلوّة و ساهلة، سهّلوها تسهال و التشعبيط برشة برشة موش باهي و اللي ما عندكش فيه بلاش بيه…
و ان شاء الله تتعظوا يا أولي الألباب