الدكتور زكرياء بوقرّة مقهور :” توانسة حسب تصنيف الغرب العنصري جنس متخلف مجرم بطبعه..يزي ما سكتنالكم “
كتب الدكتور زكريا بوقرة مقالا على صفحته بلوعة قهر قال فيها :”
في الرياضة فما الربح وفما الخسارة
هذه هي اللعبة
وهذا هو قانونها
ولكن تقهر بالرسمي تقهر
أنس عملت إلي عليها وأكثر وهزتلنا ريوسنا قدام العالم
وحتى منافستها تبركالله عليها وتستحق الربح
النتيجة تلعبت على جزئيات صغيرة
زعمة شنوا كانت تكون النتيجة كان كي دخللها الشك غزرت وشافت أمها تتبسملها؟
زعمة شنوا كانت تكون النتيجة كان كي حست التعب شافت بوها عينيه مزغللة بدموع الفخر على بنتو إلي كبرت وولات أسطورة ؟
أنس تحرمت ليوم من بوها وأمها في وحدة من أهم محطات حياتها
علاش؟
على خاطرهم توانسة
والتوانسة حسب تصنيف الغرب العنصري جنس متخلف مجرم بطبعه ما عندوش الحق يسافر حتى بش يشجع بنتو في أكبر التظاهرات العالمية
قهرة كبيرة كي نشوفو حقيقة كيفاش العالم يرانا
هذا النظام العالمي العنصري المتخلف لازم يوفى
هو إلي يخلق في الحقد والظلم وحتى في الإرهاب
وقيت تونس تسترجع سيادة شعبها
وقيت يوفى الظلم والذل إلي معيشنهولنا
ماناش بشر درجة ثانية
نفس حقوق الفرنسي هم حق أيضاً للتونسي
يزي ما سكتنالهم
