الانستغراموز Rourouette زوجة عمار الجمل :” أكثر مفاجأة فرحتني ليلة عرسي كي دخلولي الكلبة”
في حديث مطول مع الانستغراموز Rourouette زوجة عمار الجمل على #ديوان اف ام احاطت فيه المستمعين بجملة من النقاط التي حامت حولها عرسها من اللاعب السابق عمار الجمل و الذي تداوله عديد النشطاء على الفايسبوك جاء فيه النقاط التالية :
– مانيش باش نقول غسلت الدوارة وعاونت حماتي ، ماعملت شي يكمل عليا هكا هكا بيا مشيت نتضيف
– كهو عروسة جديدة ، ماعندي وين هاربة منها الدوارة
– عرسي كان اختيار مني أنا وأنا من قبل نموت على الجلوة الصفاقسية وتنڨيز الحوت والوهرة والكار فحبيت نعملهم الكل
– هو عطاني الطوع وكان يكتشف معانا في العادات الصفاقسية ونقولولو شنوة نعملو وعجبوه علخر
– من عادات السواحلية اكتشفت إلي الراجل عندو الحنة متاعو ماكنتش نعرف
– السواحلية في العيد ماعندهمش البازين والقلاية كيفنا أما محلاها لمتهم وأنا جاتني صعيبة في أول عيد موش مع دارنا
– إلي تبعوني على إنستغرام يعرفو إلي أنا عديت عرس كامل نبكي على العايلة وأنا متعلقة بيهم برشا أما heureusement كنت bien entourée وفرحانين بيا تعدالي نهار العيد خفيف محلاه
– ماكلتهم بنينة وعندهم ملوخية ياسر بنينة وماكلة حماتي بنينة وماكلة ماماتي بنينة
– أكثر مفاجأة فرحتني كي دخلولي ريتا الكلبة متاعي ماكنتش نتصورها يعملوها
– ماكنتش متوقعة جملة العرس يعمل صدى هكا وأحنا صحيح برطاجينا الفرحة متاعنا مع لعباد spontanément
– بالنسبة ليا الانستغرام الفترينا متاعي نحط فيها الحاجات المزيانة
– فما لحظات مانصوروهمش ومانهبطوهمش على إنستغرام
– عمار مستانسين بيه رزين وايامات العرس اكتشفنا الفنان إلي فيه يدربك ويغني وحفللنا العرس
– في دار صاحب عمار في الليل جاهم سارق حب يكسرلهم شبابك الكرهبة والعروس خرج حافي كي البطل
