الاعلامية منية العرفاوي : “850 مليون في يد نقابة أمنية ….ياخي شركة مضاربة في بورصة و لا معمل كابل ؟”
كتبت الاعلامية المتميزة منية العرفاوي تدوينة عنونتها من أين لهم كل تلك الاموال ؟؟ و جاء فيها :”
نقابة أمنية تصرف في جويلية 250 مليون على ترميم العمارة التي أغارت عليها وفكتها من صاحبها وبعد شهر ونص يضبط في مقرها 600 مليون.. علاش شركة مضاربة في البورصة.. منين جابتها الفلوس.. تخدم في عمل إضافي في اوقات الفراغ مثلا
في شهرين 850 مليون في ايدين النقابة.. منين.. الانخراطات مثلا والا الاتفاقيات ؟ ملخر لا هذا ولا ذاك.. من التسوّل النقابي باستغلال الصفة (هاونا قلت تسول ولم استعمل المصطلح الاخر والاصح ).. ماذا يعني ذلك.. يعني أن هذه #الأجسام_الغريبة كما وصفتها منذ مدة في افتتاحية جريدة الصباح والتي تشكلت في ظروف وسياقات غريبة و مشبوهة.. تركت كل الأدوار النقابية المتعارف عليها وانخرطت بطريقة مسعورة في استغلال النفوذ و السلطة والقانون وعنف الدولة لتحقيق غايات ومآرب بدأت الشكوك تتأكد حولها اليوم ..
سي الكاتب العام قالك الاموال لخلاص أجور العاملين علاش.. سيادتك معمل الكابل متاع اللومي تخدم في ثلاثة آلاف عامل!
وهذاكا علاش يرفضون فكرة التوحد والعمل النقابي.. الأمر ما يساعدش.. يلزم عملية تفريخ متواصلة و اذرع كثيرة لتحقيق قدر اكبر من المنافع.
في الحقيقة… الحقيقة عارية وسافرة وفاضحة ولا تتطلب ذرائع ولا تبريرات
