اشكي للعروي ….قضية في عزيزة ب 16 د تحوّلت الى 316 د

نقلت احدى المتضررات حادثة وقعن لها في الفضاء التجاري عزيزة قائلة :
” خذيت قضية من عزيزة زغوان ب 16د جيت نخلص بال carte bancaire عدوهالي ب 316 د و كيف طالبت بش يرجعولي ال 300د متاعي وليت نسمع في الكلام من ضمنه اعمل اللي يظهرلك ماكش باش تاخو تو فلوس و يتلفت لزميلتو يقلها ماتحكيش معاها و معادش تجاوبها عليا انا خاطر قلت نحب فلوسي تو و لاخر من غادي مش عاجبه يعمل في حركات بيديه ويقول ملا حالة و المشكلة وليت انا هي اللي غالطة خاطر حسب كلامهم هذا قضاء وعادي لازمني نمن بيه ماكانش نولي” عاملة روحي نعرف ربي ” ، طلبولي المسؤول على العملة قالي مسألة بسيطة برشة غدوة تجيبلي الrib و ال extrait de compte و فلوسك يرجعولك بالوقت ،من غدوة هزيتهم قالي 24 ساعة يرجعولك ماكس 48 ساعة ،زدت نهارين و رجعت قالي ليوم ولا غدوة يوصلوك و باقي مافما شي ، طلبت معادش يهز عليا ، بعثتلهم على المسنجر نهارين مايجاوبوش وبعد كيف قلتلهم راني بش نشكي بيهم قالي ابعثلنا التيكيات باش نعديلك réclamation اللي انا اصلا بعثتهملهم في reclamation اللي تعدتلهم عن طريق المسؤول متاعهم للي في زغوان ، باهي مش مشكل عاودت بعثتلهم و قالولي اعطينا رقمك اعطيتهم و بعد ماعادش يجاوبو كالعادة ، لقيت رقم اخضر على التيكي نهار كامل نطلب باش تكرمو و هزو وكالعادة ابعثلنا التيكيات على الايميل بش نعديلك reclamation قتلها راو عديت reclamation قتلي عاود ابعثلي و زدت بعثت و بالطبيعة من وقتها ماعادش يهزو ، الحكاية عندها جمعة من الأحد اللي فات و لتو لا فما شي ،أمس قدمت بيهم عريضة لوكيل الجمهورية و مانيش مسلمة في حقي و حسبي الله ونعم الوكيل
فاطمة بن كريم

مقالات ذات صلة

زر الذهاب إلى الأعلى
error: Content is protected !!