استاذة باكية :” كل وليّ يفكر في صغيرو وأنا نبات نفكّر فيهم الكلّ”

كتبت استاذة التعليم الثانوي ما يلي :” انك تكون أستاذ يعني انو ليلة النتيجه كل وليّ يفكر في صغيرو وأنت تبات تفكّر فيهم الكلّ .. يا ربّي يسّر و لا تعسّر ..

انك تكون أستاذ يعني انو ليلة النتيجة تبات تدعيلهم الكل .. يا ربي لا تخيّبهم راهم صغار ولا تحرمهم مالفرحة .. تقوم الصباح بكري .. يسألوك ‘اش فمّا؟؟!’ ‘ليوم عندي باك’. ‘ولدك ولّا بنتك؟!’ ‘ .. عندي برشا صغار .. وموش كان السّنة .. عندي برشة سنين .. كلّ باك وانا قاسمة معاهم تعبهم وفجعتهم وخوفهم ودمعتهم وفي اللّخر نجاحهم وفرحتهم’ .. فمّا اللي في بالو و فمّا اللي ما فيبالوش أما أنا في بالي الكلّ نهار الجمعه ‘نجحححححححت’ ينزاح حمل ثقيل وتكبر الفرحة .. أحلى ما في هالمهنة انّو نهار الباك تفرح فرحتهم الكلّ .. تنجح معاهم الكلّ .. أحلى ما في هالمهنة انّك كلّ عام تعاود تاخو الباك ⁦⁩

ربي ينجحكم الكل و يوفقكم نحبكم برشا”