الموظف بالأمن الرئاسي أنيس المقعدي يرد على سمير الوافي حول كلفة تنقل الرئيس قيس سعيد
وبما أن أغلب تكاليف التنقل كانت تتعلق بالجانب الامني وتحديدا بالامن الرئاسي أردت توضيح بعض المسائل :
1 – ورد بالتقرير انو قرابة 250 عون مكلف بتأمين الركب ، حبيت نوضح انو العدد 250 او 500 او حتى الف عون راي هذيكه خدمتهم و يتقاضو اجورهم شهريا من الدوله لتأمين رئيس الجمهوريه ، يعني يتنقل ما يتنقلش هوما يخلصو ، لذا يسقط هذا السند و لا يمكن احتساب اجرهم اليومي ضمن تكلفة تنقل الرئيس .
2 – حكاية الطائرة العمودية التي تقلع من العوينة لترافق الركب ، كان فم شكون شافها في السماء يجيبهالنا .هذا لا يعني انو لا وجود لتغطيه جويه لتنقل الركب ، توا فم حاجة اسمها درون، و الحقيقة تكلفة تحليقها ما تتجاوزش 500 فرنك شارج يوميا .
3 – عشرات الدراجات الناريه كما ذكر التقرير و أورد صوره قديمه لبعض الدراجات التابعه للامن الرئاسي ، الكل يعلم وخاصة الشعب التونسي الذكي ان تواجد الدراجات الناريه امام الركب دورها تشريفاتي لا دور تأميني و بالتالي فإن استعمالها لا يكون إلا اثناء المهمات الرسميه وهذا يمكن معاينته بالعين المجرده.
4 – ورد كذالك بنفس التقرير انه وقع استعمال العشرات من السيارات المصفحه لتامين تنقل الركب .الحجه هذي الحقيقه نجمو نعتمدوها ، برا نقولو فم عشره سيارات و المسافه نقولو 30 كلم ، و اقوى كرهبه تستهلك 10 بالمئه، يعني الكرهبه تستهلك 3،3 لتر × 10 سيارات = 33 لتر × 2 (ذهابا و ايابا ) =66 لتر يوميا × 2065 مليم = 136،290 مليم × 30 يوم = 4ملاين و 88 دينار و 700 فرنك ، هي تكلفة التنقل .
5 – إذا أقام الرئيس بمقر الاقامه بالقصر الرئاسي ، فسيقع ضرورة استهلاك الماء و الغاز و الكهرباء ، الي جانب العمله ، وهي ايضا تكاليف تقع علي عاتق الدوله وربما تتجاوز شهريا مبلغ 4088700 دينار .”
