ابنة عبد الحميد الجلاصي تبكي والدها …
كتبت مريم الجلاصي ابنة القيادي السابق في حركة النهضة عبد الحميد الجلاصي ما يلي :
ليوم كانت الزيارة رقم 25،
وكيما كل نهار ثنين بقيت نستنّى في نبع الحنان بش تكلمني بعد الزيارة ونسمع كلمات العادة “بوك لاباس عليه صحتو لاباس الحمد لله كي عادتو يضحك ويفدلك وقلّك توحشتك ونحبّك برشا”
ليوم للأسف ما سمعتش الكلمات هاكم، ليوم قتلّي انّو ببّا عندو مديدة تاعب وقاعدين يصيرولو كريزات متع كلاوي، رغم هزّوه مرتين للاستعجالي عقاب الليل، مشكورين ادارة السجن بالمناسبة خاطرهم يخدمو في خدمتهم، لكن الوجايع تو فوق الجمعة ما تنحّاتش وما خفّتش..
أكثر من ستّة شهور هو وبقيّة القادة السياسيين قاعدين في ظروف لا انسانيّة لا لشيء الّا على خاطرهم قالو لا للعبث، دوسي فارغ تهم تضحّك صفر تقدّم في القضيّة ومطالب افراج قاعدة تترفض وحتّى الي خرجو خرجوهم من سجن صغير لسجن اكبر شويّا، ناس اخرين حقّقو معاهم بعدهم في نفس القضيّة وسألوهم نفس الاسئلة وبقاو سراح..
ببّا خرج من حبس بن علي مريض cancer نتيجة الظروف الّي كان عايش فيها والتدخين السلبي، وما يخفي على حد مخلفات المرض هاكا على صحّة الناجين منّه وعلى مناعتهم. ولو مخلفات حبس بن علي بانت بعد 16، فمخلفات حبس المُنقلِب بدات تبان بعد 6 أشهر على ببّا واصدقائه..
يسقط الانقلاب الغبي، الرث، الكذّاب والجبان
