ابراهيم القصاص :” علماء المسلمين فاش علماء..ما صنعوش حتى سبحة إمتاع خرز؟؟”
تساءل النائب السابق بالمجلس التأسيسي #ابراهيم القصاص عن اهمية #هيئة اتحاد العلماء #المسلمون و قال في تدوينة له على موقع التواصل الاجتماعي انه لا يعرف في اي مجال هم علماء . و باسلوبه الساخر قال القصاص ما يلي :
ياخي إتحاد العلماء فاش علماء…؟
ياخي صنعوا حاجة فادت البشرية وإحني ما في بالناش.؟
فاش علماء بالضبط.؟ صنعوا مكوك فضائي ، صنعوا طيارة ، صنعوا دبابة ،صنعوا كرهبة ، صنعوا موتور ،صنعوا بسكلات. إكتشفوا دواء… إتي ليش هذا الكل ، صنعوش حتى سبحة إمتاع خرز…؟؟؟
حبيت نعرف فاش علماء وأكهو… على خاطر كي نسمعوا بكلمة إتحاد العلماء ، الكلمة وحدها تفجع… وإحني بكلنا أمة عايشة عالة على العالم…حتى السجادات إلي نصلوا عليها ماد ٱن شينا… هيا زايد ،علماء علماء… بالأمارة يسمونا عالم ثالث ،وعلى فكرة إلي سمانا عالم ثالث إنسان محترم وعنده ذوق،،إحني عالم مية تحت الصف
