ألفة يوسف تنتقد التدخل في حياة الآخرين: كل شاة معلقة من كراعها
![ألفة يوسف تنتقد التدخل في حياة الآخرين: كل شاة معلقة من كراعها](https://aljoraanews.net/wp-content/uploads/carthage.jpg)
نشرت الدكتورة ألفة يوسف تدوينة على صفحتها على الفايسبوك تعبر فيها عن رؤيتها لمشاعر التونسيين وسلوكياتهم في الحياة اليومية. في هذه التدوينة، تتناول ألفة يوسف موضوع الحرية الشخصية وكيفية تعامل الناس مع اختيارات الآخرين، موجهةً انتقاداتها للاستبداد الاجتماعي الذي يمارسه البعض. إليكم نص التدوينة:
الثابت أن نفسية التونسيين دخلت في حيط… وإلا كيف يجي ناس متقلقين كيفاش توانسة كيفهم مستعدين يشدوا الصف على حفلة، أو يدفعوا اللي يدفعوه على شيختهم؟ أو يحبوا يسهروا؟ أو يصلوا، أو يرقصوا، أو يسكروا، أو يصوموا، أو يحجوا؟ أو يسبحوا في البحر أو حتى في الشايح؟
يا ديني…
يا شعب يا سمح…نهار اللي تفهم أن كل شاة معلقة من كراعها…وأن كل واحد حر في ها الأربعة أيام اللي باش يعديهم على ها الأرض…تو تتفرهد أحوالكم…إيه تتفرهد أحوالكم انتوما…
وإلا ثم واحد شايخ، مرتاح، عامل كيف، ولاهي بجاره كيفاش يعيش؟
تحكيو على الاستبداد؟ تي انتوما الاستبداد لابس حوايج، وجاي يصيف بحذانا في ها البلاد الهايلة…
الحاصل، ربي يلهينا بأمورنا…
والصلاة على النبي…