ألفة الحامدي :” من برّا يسار يحكموا فيكم و من داخل كلها تحب تولي بورجوازية”

تفاعلت رئيسة حزب الجمهورية الثالثة الفة الحامدي مع تعليق نشره احد المتابعين لصفحتها  تمحور حول صورة لها نزّلتها في صفحتها من نيودلهي  قائلا فيه في ما معناه الي دافع على الزواولة هاي من بلاد من بلاد تحوّس … حيث ورد في تفاعل الحامدي مع التعليق ما يلي :” اهوك جماعة اليسار ماشاء الله موش برجوازية يحكموا فينا و على قريب نولوا الناس الكل بلاش عشاء متساويين في الفقر و قلة الفرص و بذلك تتحقق منامة كارل ماركس و تصبحون جميعا سعداء ومتساوون في الاحتياجات. بجاه ربي ولد عمي خليني رايضة، هاني جاية للڤصرين تو نحكوا في موضوع البورجوازية … لانه من البرّة يساريين يحكموا فيكم و من الداخل الداخل كلها تحب تولي بورجوازية. على الاقل انا نهضت بنفسي و بدلت وضعي و حياتي و نحب نحرر الاقتصاد و نحبكم الكل تحققوا استقلاليتكم المادية موش كيف الي يحبوكم الكل تبقوا زواولة.”