يوسف تلميذ اعدادية عقبة ابن نافع يضرم النار في جسده …و السبب ادارة المدرسة ؟؟؟؟
توصلت الجرأة نيوز برسالة من نصية من تلاميذ المدرسة الاعدادية عقبة ابن نافع بصواف يطالبون فيها بحق زميلهم التلميذ الذي اقدم على اضرام النار في جسده بعد تعرّضة الاعتداء اللفظي و المادي من قبل الساهرين على المؤسسة التربوية مما اثر على نفسيته و جرّ جرّا على فعل هذه الحركة الكارثية جعلته بين حياة و موت و فيما يلي نص الرسالة و العتهدة على من روى :
” شهدت المدرسة الاعدادية عقبة ابن نافع بصواف بتاريخ 15 أفريل 2023 حدث من ابشع ما تعدى على المؤسسة التربوية اذ ان تلميذ في سن 14 سنة يوسف البكري الذي يدرس بقسم 9 اعدادي 4 قام و بكل حرقة نفس بإضرام النار في جسده بعد تعرضه للتعنيف اللفضي و النفسي من قبل اصحاب المؤسسة دون استثناء القيمين المدير و القيم العام ..التلميذ هذا تم اقصاءه من الدرس كأي تلميذ عادي و رجع في ساعة الي بعدها باش ياخو بطاقة دخول و يكمل يقرى على روحو عادي مراعو الا الادارة متع الكولاج تعرضتلو بالرفض و محبوش يعطوه البطاقة الا بالولي (الي حاجة مدجيش حتى بالقانون الاقصاء عمرو مكان بالولي) التلميذ يوسف استجاب للإدارة و جاب جدو الي يعيش معاه الا انو هذي المؤسسة التربوية رفضت جدو و رفضت تعطي البطاقة للتلميذ دون ذكر ما سمعو التلميذ من عياط و بخس و استحقار كاينو المؤسسة مهياش تحت خدمة التلميذ و بطبيعة الحال طردوه التلميذ مخلوهوش يقرى على روحو و هذا السبب الاساسي الي خلى يوسف يحرق روحو في دارهم
شنية الحاجة الي تخلي طفل في عمر الزهور يخمم ين …تحر و بأبشع الطرق زادا اكييد مش البطاقة مناش باش نغطو عين الشمس بالغربال
السبب الرئيسي هوا المعاملة الي تعرضلها التلميذ من القيمين و القيم العام و حتى المدير متع الؤسسة شنية معناها تشد طفل تهنتلو قدام صحابو و تبدى تعيط و تنبز و لا الأبشع انك تحرمو من حقو الي هوا تعليم بانا حجة انتي تشد تلميذ في كولاج و تخرجو على سبب تافه و زيد من فوق يجيب جدو تقلو لا
معهد عقبة ابن نافع بصواف بولاية زغوان يعد من اتسع ماقدمت المنظومة التربوية يوسف مهوش الوحيد الي تعرض للحاجة و في الكولاج هذاكا 100٪ من التلامذة الي في سن المراهقة قاعدين يتعرضو كل ليوم لنفس التعنيف اللفضي و المعنوي و التسلط عليهم مغير حتى حق بالطبيعة تلميذ باش يلقى النبز مالبروفات (البعض مش لكل) و عياط مالقيمين دون استثناء ناهيك عن المدير و القيم العام يولي يكره القراية و يكره المؤسسة و يكره حتى البلاصة الي يسكن فاها يزيو من معاملة
التلامذة بهالطيش و الاستهتار راهم في عمر حساس يزو مالتسلط و اعرفو كيفاه تحكو معاهم مهمش زوايل و حيوانات باش تعيط و تنبز و توصل حتى تضرب عاجبكم كي طفل موصلش حتى للسن القانوني يحرق روحو و الحالة متاعو حرجة على حافة الموت مشاف شي مالدنيا يتحط في موقف على بطاقة دخول اتفه الاسباب
نحن التلامذة نطالب بحق يوسف باش ميضيعيش و تحميل المعهد المسؤولية كاملة بكل العاملين فيه خاتر الحاجة هذي ميتسكتش علاها يزيو”
