هذا ما كتبه مصطفى الدلاجي عن زوجته

كتب الفنان الشعبي مصطفى الدلاجي بمناسبة عيد زواجه ما يلي : “قصّة قصيرة  01 ماي : كيما اليوم عام 1998 جاء بالجُمعة تزوّجت من بِنت الحي اللّي حبّيتها وحبّتني وبوها قال لآا مانعطِيهالوش خاطرُو صغير وِيطير وماعندُوش مُستقبل ويلعب في الكورة ويعمل في المُوزيكا ورابط شعرُو ، ياخي أُمّها حَبيبة ربّي يفضّلها وعمّها إِمحمّد الله يرحمو وينعمو قالولي أحنا باش نعطيوهالك وجازاتك آما على شرط ! نحبّوك تِطلع راجل. بعد عام ربّي رزقني بولدي إِسلام وبعد عام زاد ربّي رزقني بولدي أَركان وبعد أربعة سنين زاد ربّي أكرمني بولدي أَرسلان صحيح ربّي عطاني ثلاثة أولاد وماعنديش بنيّة لكن … اللّي يعرفوني مليح يعرفُو اللّي أنا عندي ثلاثة أولاد وبنيّة ، والبنيّة هي !!! ديّة المِڤديّة اللّي هي (زَوزَتي) يعني من 01 ماي 1998 لليوم 01 ماي 2023 عندي ربع قَرن (25 سنة) زواج وديما تُقعد (ديّة المِڤديّة) ڤريّد العش وأصغر خواتها … وأَعزهم … ربّي يبقّي عليكم وعلينا سِترو