نبيل معلول : “كلمني سي حمدي وافقت طول “

المفاوضات ما كانتش طويلة…كلّمني سي حمدي وافقت ديراكت…تفاهمنا فيسع فيسع.

إن شاء اللّٰه نعاودو الملحمة متاع 2011.

مازالولنا 3 مباريات في البطولة إن شاء اللّٰه نكَملو مُتوجين بيها.

الترجّي عندها أحسن effectif في تونس.

إن شاء اللّٰه باش تشوفوا وجه جديد للترجّي.

لازمنا ندعمو الفريق بـ 4 أو 5 لاعبين.

جماهير الترجّي أوّل حاجة اتطالب بيها الـ Champions League  والترجّي كي تهز البطولة والكأس يتعدّالها موسم شبه ناقص.

غدوة فمّة ندوة صحفيّة باش نتطرّق فيها لكل التفاصيل وتعرفوا فيها كل شي.

الطاقم الموجود حالياً باش يواصل يخدم معايا إلى نهاية الموسم.

شكر كبير للمدرّب راضي الجعايدي إلّي خدم خدمة كبيرة وعمل برشا حاجات إيجابيّة، ومن اجتهد وأصاب فلهُ أجران ومن اجتهد ولم يُصب فلهُ أجر واحد.

غدوة الجمعة باش نشرف على أوّل حصّة تدريبيّة.