ماجدولين الشارني للمحامين المهللين بمحاكمة الغنوشي :”وينكم وقتلي العائلات الشهداء تتمرمد وتتهنتل في قاعة المحكمة”

الناس اللي تعرفني مليح يعرفوا ان اغلب مشاكلي هي بسبب صراحتي وكرهي للنفاق الزايد. اليوم نشوف في البعض من المحامين وممثلي مجتمع مدني وسياسيين يهلّلوا بمحاكمة مرشد الاخوان…
اي وينكم ال10سنين اللي فاتوا؟! شبيكم ما لبستوش روبتكم وتطوعتم ودافعتم عن حق مبروك السلطاني وايمن مرجان ونزار المكشّر وسارة الموثّق وخيرة هلالي وغيرهم من الشهداء في اروقة المحاكم؟! وينكم وقتلي العايلات تتمرمد وتتهنتل في قاعة المحكمة؟! وينكم وقتلي يتمّ طرد اخت شهيد (شقيقتي شيرين) من الجلسة بتعلة المسّ من معنويات الارهابيين الموقوفين تزامنا مع عملية بن قردان!! وينكم وقتلّي الارهابيين عندهم فيلق من المحاميين، وعايلات الشهداء معاهم فقط البعض من المحاميين المتطوعين (يتعداو على صوابع اليدين)
نهارت اللي تفهموا قيمة الدم يمكن نصدّقكم!!!!!
دم الشهيد ما يضيعش، والارهاب وصانعيه باش يتحاسبوا عاجلا أم آجلا…

مقالات ذات صلة

زر الذهاب إلى الأعلى