كمال بن خليل يطلق صيحة فزع : الجمعية راهي غرقت واليونسي راهو كذاب فليس هناك خلاص لديون الفيفا
![](https://aljoraanews.net/wp-content/uploads/2020/09/كمال-بن-خليل-.jpg)
كتب المحامي والناطق الرسمي باسم النادي الافريقي كمال بن خليل تدوينة على حسابه بالفيسبوك يمكن ان نعتبرها صيحة فزع بسبب ما يحصل في النادي الافريقي وما يقوم به عبد السلام اليونسي وفق رأيه.
وقال بن خليل ان الجمعية غرقت واليونسي كذاب وهو يشترط علينا اما ان ابقى في الرئاسة والا مثماش عقد اشهار .
واضاف مخاطبا جماهير الافريقي : كذبو عليكم فليس هناك خلاص لديون الفيفا.
وجاء في التدوينة :
“الجمعية غرقت واليونسي الكذاب باقي يتشرط علينا يا نقعد يا ما ثماش عقد إشهار ! تي هز عقدك وطير إنت والإماراتي صاحبك ….
ونزيد نقلكم راهو لا ثمّ خلاص متاع الفيفا ولا تأهيل ولا والو خاطر السيد لليوم راكب راسو ومبلوكي كل شيء باش ما يتقدم حد والجمعية الأخيرة في الترتيب عادي بالنسبة ليه .
الواحد سكت ويقول ها تو يفهم روحو ها تو يحشم ها تو يقول والله عندهم الحق والسيد مولى الدار موش هوني تقول شايخ بلّي صاير فينا .
ولا تقلي ماء وملح ولا خدمت،تي أصلا الحديث معاك غلطة موش الخدمة .
يرحم والديك برّ على روحك وسيبها الجمعية تقعد بلاش مسؤولين وبلاش رئيس والله أهون من وجودك راك خرجتنا من الملة برّ يرحم بوك فوتنا
الملاعبية إلي مطردهم يحبوا يرجعوا يعاونوا وهو يتشرط والجزائريين الأسبوع هذا يروحوا لبلادهم بعد ما عطاوه آخر إنذار ووقتها باش تخلى على قاعدة .
أقسم بالله الواحد باش يتجلط …
يا عبد السلام سيبنا يرحم بوك سيبنا ونعاودهالك صاحبك الإماراتي ينجم يخلي فلوسو عندو”.