فاصل تنبيري : الطمع… وازدواجية الخطاب

قاللكم.. وأكد عليها أكثر من مرة.. انها حاجة باهية يتنحى الدعم على المحروقات في تونس.. إلي يطالب بيه صندوق النقد.. ولي باش تصحح عليه حكومة القيسون الملهم العظيم. في اتفاقها مع الصندوق في قادم ليامات..

وهذا عمليا يعني تطبيق حقيقة الأسعار.. وزيد في وقت طالعة فيها اسعار المحروقات المستوردة للسماء..والدينار طايح..

وراهو باش تفلس من جرتو برشة شركات وفلاحين…إلي يعتمدو في إنتاجهم على المحروقات…

وبرة عاد شوف قداش بطالة زايدبن…

وبرا شوف زادة قداش يزيد سوم النقل… وقداش يزيد إفلاس المواطنين إلي سيديجا فالسين…

عاد سمعت توا أخبار الفرانسيس… نلقاهم عاملين سيديجا أنواع متاع دعم …ويناقشو كيفاش يتوسعو فيه

وخصوصا ثمة نقاش حاد بين الحكومة والمعارضة..في كيفاش الشركات الكبري للطاقة إلي عملت أرباح خيالية من ارتفاع أسعار الطاقة….تساهم في هذا الدعم…

فبحيث…كي نتبعو الفتلة وملخر… نلقاوه السيد السفير طامع فينا

يحبنا احنا… إلي نساهمو في مرابيح شركات الطاقة متاعهم..إلي تبيعلنا في المحروقات (طبعا حسب جرمنا الصغرون قدام جرمهم)… نعاونو بطريقة غير مباشرة اقتصادهم.. واحنا فالسين

طبعا هذا علاوة على أن السيد السفير.. عندو إلي يحقلهم من دعم.. ما يحقش لينا احنا