صابرين القوبنطيني : زوز اشكاليات كان تحلوها تو توضاحلكم الصورة وتتنحالكم الاوهام
كتبت : صابرين القوبنطيني
بصراحة صديقاتي واصدقائي اللي اتبعوا في السياسة، عندكم زوز اشكاليات كان تحلوها تو توضاحلكم الصورة وتتنحالكم الاوهام :
اولا : السيد الرئيس كي يحكي على برامجه المستقبلية ونظرته للاشياء، من قبيل حذف الانتخابات التشريعية وتركيز مجالس شعبية في المعتمديات وانه ما عندوش برنامج اقتصادي الخ الخ.. فيبالكم يفدلك والا يبالغ وبرة وما تصدقوهش. ننصحكم عاودوا اسمعوه مليح وعودوا صدقوه خاطر راهو يحكي بجده
ثانيا: ماكمش اتبعوا في نفس الصفحات اللي يتبع فيها هو ومحيطه. وهذاكا علاش تفسيركم للخطب متاعو ديما بعيد عن قصده. انظبطن/انضبطوا يرحم والديكم، وتبعوا الصفحات الي تمثل الشعب موش صفحات الفقراء فكريا…
وبروا ربي معاكم
