قالت كوثر زوجة العون الموقوف بتهمة تزوير شهادة الباك
راجلي عمره ما قال عندي الباك والعايلة الكل تعرف ودخل يخدم في Tunisair بشهادة مدرسية سنة سابعة ثانوي عون في الشركة بعد 35 سنة خدمة وخبرة وتكوين عملتهوله شركته يلقى روحه موقوف في قضية تزوير شهادة باكالوريا…
منين جات ها الشهادة ؟؟؟؟ حتى ملف القضية مافيشي ها الشهادة المزورة قالول في التحقيق مازلنا نبحثو عليها
أي ماو أبحثو في عقلكم وكيف تلقاوها شدوه ميسالش يستاهل وقتها…
علاش هكة مرمدتوه موقف عنده أربعة ايام ومرمدتوني مسيبة داري وخدمتي وتلامذتي وصغاري وبنتي الي باش تعدي الباك وأمه المريضة الي باش تموت بقهرتها على نور عينيها
علاه هكة موش حرام سيدي رمضان ممرمدة من قصرهلال لتونس طالعة هابطة نلوج على حق راجلي نحبو يخرج يعيد مع اولاده
موش حرام الشماتة
الله لا توريها لا لحبيب ولا عدو
زوجة مقهورة على زوجها وبو أولادها
