رانية التومي : “ردوني بهيمة تافهة وما نصلحش ”

خلال استضافته في برنامج “ضيفنا على كيفنا” على قناة تونسنا، عبّر الممثل التونسي حسام الساحلي عن رأيه في بعض الممثلين، وعند سؤاله عن الفرق بين الممثلة إباء الحملي ورانيا التومي قال :”إباء تعرف تمثل أكثر من رانيا أكيد وعندها تجربة أكثر.. رانيا مازالت في الشكل والجمال ما عندهاش مضمون وناقصها برشا خدمة.. رغم الي شكلها ينجم يردها نجمة كبيرة..”.

وردا على ذلك، نشرت رانيا التومي مقتطفات من الأعمال التي قامت بها من بينها التمثيل والتقديم وعرض الأزياء، وأرفقت ذلك بتدوينة مطولة وجهتها للممثل حسام الساحلي وهذا ما جاء فيها :

“حاسيلو ما نزيدش نطوّل عليكم خاطر مازال عندي برشا ما نهبط.. تو كل مرة نهبط تصويرة نحكيلكم على تجربتي مع كل حاجة عملتها..

أما نقول بعد 12 سنة خدمة وتعب وتضحيات عمري ما عطيت لروحي هدنة باش نرتاح ديما نحب نطور من روحي وعمري ما هبطت يديا نقول مازال فمة برشا حاجات ما وصلتلهاش طموحي أكبر ببرشا من هكا..

يمكن كان جيت في دولة أخرى راهو يقدرو مجهودك ويحاولو يدعموك .. أما الله غالب إنها تونس.. في تونس لازمك تتحمل جريمة إنك مزيانة وتحب روحك.. فلذا منغير ما يشوفوك اش قدمت اش خدمت اش عانيت.. يردوك “بهيمة تافهة وما تصلحش ” وهذا كلو ما يهمنيش فيه “كلاب تنبح وبهايم تنهق”.

المهم أكثر حاجة نحمد عليها ربي الي ديما نخدم ولاهية في روحي وما عنديش وقت باش نتلهى في الناس..