حاتم الطربلسي : ” مانهني حتى فريق سوى الصفاقسي …و مافهتمش علاش جمهور الترجي عامل عليا حملة”
هذه ابرز النقاط التي اتى عليها حاتم الطرابلسي في فيديو مباشر :
انا تدويناتي كانت واضحة على دحمان ودجو ليمام شنو دخل الترجي وما فهمتش جمهورها علاش متغشش
انا الترجي ما نحكيش عليها وما ندخلش لباجاتها ما فهمتش وين الاستفزاز انا حر جمعيتي النادي الصفاقسي ونموت عليها يهزو القاب ما يهزوش ما يعنينيش لاخر الدنيا كان النادي الصفاقسي والعويات حومتي الناس الكل تعرف انو “زوز أمالي الكورة” هوما الي فسدو الكرة في تونس كي يكون عنصر فاسد في فريق لازم نفضحوه ونحكيو عليه .. انا حكيت على شيبوب موش الترجي–
الناس الكل تعرف الي عملو شيبوب و كيفاش يدخل في الكرة برشا ملاعبية كانو بالكف قبل تو خرجت ولات تحكي ما نحبش نجبد اسامي صحابي لاني نحترمهم اما قبل شيبوب بالسبورة والطباشير في المنتخب وهو الي يختار التشكيلة و التغييرات يقولو عليا غفاص ما يعرفش يلعب ما يقلقنيش الفايدة عملت مسيرة محترمة والفايدة جمهور النادي الصفاقسي يحبني هاكا شنو يهمني مشيت لاجاكس بفضل النادي الصفاقسي موش المنتخب و اذا كان عديتها عليهم في اجاكس وهزيت بطولات صحة ليا الترجي لا قدمتلي عرض ولا انا رفضت وفي الفترة هاكي انا كنت كاره الكورة جاني عرض من الهلال السعودي ب 800 الف دولار و رفضت ..
