تلميذ عن الباك سبور:”تفركست تفركيستين طحت على قبي عادي بروحي مقابل الشمس”
كتب احد التلاميذ السابقين حول الباك سبور ما يلي :”
تو هذيكة حد نيتكم عاملين ليه قاوق وطاولة واربعة كراسي ومصروف تقول كسوة عرس!!
أنا واعوذ بالله من كلمة أنا
عام الباك سبور متاعي
تسلفت السبادري تسلفت السيرفات تسلفت مريول تشلسي كان ماخانتنيش الذاكرة
الحاصل ياسيدي ساهمت بالرواري فقط
زيرو نيكوتين وانطلقت
نجري كالغزال
ورميت هاك الحديدة لين لحظة والا جبتها في اللجنة قدقد غير حضرو اولاي الله وسيدي علي بن نصرالله ..
الجيمناستيك الحقيقة متاع ربي مانيش مع السوبلاس غفلت اللجنة تلهو يتفرجو في الضفة الاخرى ماندريش علاش وتفركست تفركيستين طحت على قبي عادي بروحي مقابل الشمس وباتسري ثريا نلقى روحي متلفت لجبل الشراحيل أخضر بالفيجل والكبار كيماتوتقول جنينة …
والحمد لله تعدت الامور لاباس
ولتوة سبورتيف اش خلاني طرف نجم في الحوش نوهي عليهم باش ننحيهم من نوفمبر الي فات تو ة نوفمبر هاو في اليدين….
