الناخب الوطني جلال القادري:”البرازيل هي الي لوجت عليناوحبت تلعبنا و هذا البرنامج كامل”

 في تصريح صحفي لقناة بين سبور عن فترة التحضيرات لكأس العالم قال مدرب المنتخب  التونسي جلال القادري:

-عنا فترة ثانية الى بش تكون في الشهر هذا شهر سبتمبر ناس كل تعرف بش نواجهو المنتخب البرازيلي  ميستحق حتى تقديم مازالت مباراة ثانية ان شاء الله تتأكد في فترة هاذي مع منتخب أيضا على المستوى هي تقريبا فترة قبل الاخيرة من الاستعدادات متع المونديال ان شاء الله فما لاعبين الى كانو غايبين في الفترة الأخيرة في مباراة مالي و في دورة كيرين بش نحاولو 80 ٪ 90 ٪ من زاد البشري الى متواجد على ذمتنا يكون متواجد نسترجعو بعض اللاعبين الى كانو مصابين و الى كانو غايبين في الفترة الفارطة هذا مهم جدا نفس شيء ممكن تكون فرصة لبعض الاعبين الى تألقو في فترة الاخيرة مع فرقهم بش يأكدو الاحقية متاعهم لكن الهدف الاساسي لنا أنو على أقل نسبة 95٪ من المجموعة الى نأملو تكون موجودة في نهائيات يكونو على ذمتنا في فترة هاذي مع معسكر الاخير الى بش يكون ان شاء الله يمتد من فترة 6 نوفمبر إلى انطلاق دورة حتى ل 17 4 أيام قبل تحول لدوحة بش يكون منطقيا كمرحلة أولى في السعودية بش يتخلو مباراة أو مباريتين ودية مازال فما مفاوضات هذا برنامج موجود ثم ان شاء الله يوم 17 يكون تحول للدوحة

-ماهوش ساهل اليوم انو المنتخب البرازيلي هو المطمح لانو وقت تتبارى مع منتخب برازيلي نكونو صادقين مع أنفسنا بعيد عن البعد الرياضي فما عدة أبعاد أخرى نأخذها بعين الاعتبار هو منتخب من الأول في العالم هو منتخب الاكثر شعبية يعني مطمح كل المنتخبات العالمية بش تتبارى مع المنتخب البرازيلي قبل نهائيات كأس العالم المنتخب البرازيلي بش يكون 100٪ بش يكون بكل جدية لانو هدف متاعو البرازيل دائما هو اللقب يعني بش تكون مباراة على مستوى عالي جدا يخوضها المنتخب البرازيلي مثل المنتخب التونسي بنفس جدية هاذي نقطة تعتبر تحسب للادارة متع المنتخب متاعنا.

-يوم يعطيك فكرة على قيمة و صمعة الى كسبتها الكرة القدم التونسية اليوم المنتخب التونسي  خذا مستوى كبير جدا كونو المنتخب البرازيلي  هو الى يبحث عليك و هو الى يطلبك في مباراة ودية يظهرلي هاذي من مكاسب متع المنتخب